Encontro con Manuel Martínez-Barreiro

Mellor acender unha buxía que maldicir a escuridade

Nesta actividade colaboramos o Grupo da Rede de Escolas do IES Pedro Floriani e o Proxecto de Biblioteca 2014-15 Unha viaxe arredor do mundo.    A redacción da noticia fixémola a partir dun texto de Alba Rodríguez (4º ESO B), con contribucións de todo o alumnado de 2º e 4º da ESO.

Tivemos este encontro o día 10 de decembro con motivo do Día Internacional dos Dereitos Humanos. Este mesmo día todos os periódicos saían co titular: “A CIA tortura os prisioneiros na guerra de Iraq”, e no artigo denunciábase o feito.

   Amnistía Internacional   
Manuel é membro de Amnistía Internacional e explicounos que esta organización loita polos dereitos de todas as persoas.
É unha organización non gobernamental polo que, como non recibe diñeiro de ningún estado, pode actuar con total independencia.
Nace como consecuencia da detención de dous estudantes portugueses que gritaron “Viva a liberdade”, o que lle serviu a Peter Benenson como inspiración para crear Amnistía en Londres no ano 1961.
Posúe 2 premios Nobel e, na actualidade, conta con máis de 3 millóns de membros e simpatizantes por todo o mundo.

   Os Dereitos Humanos   
Posteriormente falounos sobre os dereitos, que son unha especie de coraza e, por sermos persoas, témolos todas/os sen discriminación por razón de raza, sexo, relixión...
Son inalienables e intransferibles: o recoñecemento dun dereito leva ao recoñecemento de todos os demais.
En Francia non se pode dicir “dereitos humanos” porque para eles esta expresión ten un significado distinto e propuxeron chamalos “dereitos naturais” ou “dereitos da/o cidadá/án”.
Os principais pasos que se foron dando en favor dos Dereitos Humanos foron estes:

- Código de Hammurabi, 2000 aC
- Cilindro de Ciro, 529 aC
- Carta Magna, 1215
- Petición de dereitos, 1628
- Constitución dos EEUU de América do Norte, 1787
- Declaración francesa dos dereitos do home e o cidadán, 1789
- Carta de dereitos dos EEUU de América do Norte, 1791
- Declaración Universal, da ONU, 1948

Esta última é a que recolle o que cremos actualmente, e na súa redacción tivo un papel importante Eleanor Roosevelt.

   A noticia do periódico   
Para acabar, Manuel volveu ao principio e leu completo o titular:

A CIA torturou con brutalidade, ineficacia e á marxe da lei

(El País, 10-12-2014).

e deixounos coa pregunta:

Pero… é que se pode torturar sen brutalidade?
Ou con eficacia?

Ou dentro da lei???

   As imaxes   
Fixemos algunhas fotos do encontro, cos grupos de 2º e 4º da ESO, e cando xa rematamos Manuel quedou charlando un ratiño con  Sergio ,  Lara ,  Eva  e  Gabriela , do Grupo da Rede de Escolas do noso centro.

 

Poñémosvos tamén aquí unha presentación que estivemos comentando cos cartaces das accións que realizou Amnistía Internacional nos últimos anos en Vigo:

Human Rights, 4th ESO B 2014-15 - The posters

These are the posters on Human Rights that we made as our first evaluation culminating task. We used the information that we found two weeks ago, following the instructions of the previous post (click here to access). If you want to see the Galician version that our classmates from 4th ESO A did, click on the flag:

THE RIGHT TO LIFE

THE RIGHT TO HEALTH

THE RIGHT TO HAVE A FAMILY

THE RIGHT NOT TO BE DISCRIMINATED BY SEX

THE RIGHT TO FREEDOM

Murais dos Dereitos Humanos, 4º ESO A 2014-15

Estes son os murais que fixemos en 4º ESO A, na primeira avaliación.
Para elixir o dereito sobre o que queriamos facer o mural e para citar o texto dos dereitos humanos utilizamos este Pasaporte dos Dereitos Humanos de Amnistía Internacional. Tamén nos documentamos sobre as ONGs que loitan por facer que se cumpran. O noso traballo inclúe unha entrevista ao director do centro, Emilio, outra a un alumno de 2º de Bacharelato e un estudo detallado dos dereitos que se violan no cárcere de Guantánamo.
Para ver os trabalos que fixeron en inglés no grupo bilingüe, pica aquí:

IGUALDADE

A igualdade de xénero debe ser un compoñente central en calquera intento para resolver os problema sociais, económicos e políticos. É un principio constitucional que estipula que homes e mulleres somos iguais ante a lei. A constitución española de 1978, no seu artigo 14, proclama este dereito, e é un dos principios fundamentais do dereito comunitario.

O DEREITO Á EDUCACIÓN

É o dereito a unha educación primaria gratuíta e obrigatoria para toas/os as/os nenas/os. Os estados deben establecer un sistema de educación secundaria e universitaria accesible a todas/os as/os xoves en condicións de igualdade.

Estas son as entrevistas que lles fixemos ao director do centro e a un compañeiro de 2º Bach.:

A LIBERDADE DE EXPRESIÓN

É un dereito fundamental recollido no artigo 19 da Declaración Universal dos Dereitos Humanos. Consiste na capacidade para difundir libremente as propias ideas e falar libremente sen censura. Sen liberdade de pensamento, a liberdade de expresión non serve de nada.

LIBERDADE

O dereito ás distintas formas da liberdade está recollido en moitos artigos da Declaración Universal dos Dereitos Humanos: Prohibición da escravitude (Artigo 4), Dereito á privacidade e a honra (Artigo 12),  Liberdade de pensamento, conciencia e relixión (Artigo 18), Liberdade de expresión (Artigo 19), Liberdade de asociación e reunión pacíficas (Artigo 20).

GUANTÁNAMO

Cárcere de seguridade para delictos de terrorismo que os EEUU teñen en Cuba desde 2002. Está situada xunto á Baía de Guantánamo, 920 km ao SO de A Habana. Amnistía Internacional calcula que o 80 % das persoas detidas están en réxime de aillamento. Os EEUU pretenden xustificar que non se leve ás/os detidas/os a xuízo porque o cárcere está fóra do país (pero isto vai contra o artigo 2º da DUDH). Barack Obama prometeu pechar o cárcere en 2008 pero non cumpríu aínda a súa promesa.

Nestas imaxes podes ver un resumo dos dereitos humanos que non se cumpren en Guantánamo:

Murais dos Dereitos Humanos, 2º ESO A, B 2014-15

Nos grupos A e B de 2º ESO fixemos estes murais como traballo final da Primeira Avaliación, coincidindo co aniversario da Declaración Universal dos Dereitos Humanos (ONU, 1948) e o encontro con Manuel Martínez-Barreiro, activista de Amnistía Internacional.

Aquí podedes ver os debuxos ampliados:



Así fixemos o traballo. Primeiro eliximos os nosos dereitos con axuda do Pasaporte dos Dereitos Humanos de Amnistía Internacional, escollimos os textos e fixemos os debuxos:

Despois posamos, con moito orgullo polas nosas obras de arte:

Aquí estamos pegando os debuxos e pintando os rótulos:

E agora ao corredor a pendurar os murais (Ei! Sen facer moita festa de máis, que ao lado están en clase!):