Este curso dedicamos a segunda avaliación da materia de Valores éticos a elaborar, en colaboración co Departamento de Filosofía, unhas presentacións multimedia sobre a historia dos dereitos humanos.Os obxectivos que nos propoñiamos eran:
Acadar unha visión histórica dos dereitos.
Adquirir hábitos de traballo colaborativo online.
Aprender a distribuír os contidos nunha presentacións multimedia.
Comezamos recompilando datos sobre os dereitos humanos e a súa historia. Para isto miramos primeiro estes dous vídeos (o primeiro completo e o segundo desde 1:49 ata 6:18):
Sintetizamos despois a información do segundo vídeo diferenciando varios momentos históricos e distribuíndo os datos nunha táboa na que indicabamos, para cada un, a época e lugar, un persoeiro, o título do documento e os dereitos recollidos nel. Non sempre puidemos facer isto literalmente pero si suficientemente ben como para que despois fose doado elaborar unha diapositiva da presentación a partir de cada fila da táboa.
A continuación decidimos en cada curso a plataforma web que utilizariamos para confeccionar a presentación e comezamos o traballo. As diapositivas debían ter un título e un subtítulo, unha imaxe e un fragmento de texto. A imaxe debía ser de uso libre e ocupar a meirande parte da diapositiva.
Estes son os traballos dos cursos de 4º ESO A e 4º ESO B:
Aquí estamos documentando o noso traballo e deseñando as diapositivas:
