Campaña de postais de nadal

    FALA MÁIS   

   VIVE MENOS   

No noso grupo da  Rede de Escolas de AI  colaboramos en 2013-14 coa campaña de  Postais de Nadal , tan característica de Amnistía. O lema deste ano mimetízase de promoción de telefonía (Picando na imaxe accedes á web da organización onde se presenta a campaña):

Pero non se trata dun novo gadget consumista senón de prestar apoio a persoas presas por motivos de conciencia, que AI centra en tres casos (pica tamén nestas imaxes para acceder e, se che parece importante, asinar online para prestar a túa colaboración):

           

Encontro con Rosaliano Riascos

Por Jessica Acuña Alonso e Ángela Hernández Bouzón.

O venres quince de novembro tivemos a oportunidade de acudir a unha charla de Rosaliano Riascos sobre a súa experiencia. Experiencia que lle cambiou a vida pois, en maio do ano 2000 uns paramilitares irrumpiron na súa vida e na de moitos outros. Atopábanse na cidade de Buenaventura no departamento de Valle del Cauca, Colombia, no terreo que os paramilitares querían como terras de cultivo de contrabando. Levantáronos das súas camas para non volver a elas, nin sequera ás súas vidas.
Desde ese momento a vida de Rosaliano tornou por completo para non volver a ser a mesma. Dende entón tivo que separarse da súa familia, que veu a España en busca de algo mellor, primeiro a muller e máis tarde os seus fillos. Pola contra, Rosaliano quedou no seu país de orixe loitando polos dereitos dos “negros” (como el di) en Colombia, que nin sequera son contemplados na constitución.
Pasaron algo máis de dez anos de loita pola causa até que a situación obrigoulle a marchar do seu país, polo que tivo que vir a España no 2011 grazas a Amnistia Internacional que o amparou durante un ano mediante un programa de protección co que conta a organización.
Tivemos, grazas a Rosaliano, a oportunidade de coñecer a verdadeira situación de Colombia, que moitos de nós descoñeciamos pola información manipulada dos medios de comunicación hoxe en día.
Actualmente, Rosaliano segue a loitar polo que cre, por exemplo mediante AFRODES, unha asociación de afrocolombianos desprazados coa esperanza e os ollos cheos de ilusión de voltar ó seu país nunhas boas condicións coas que toda persoa debería contar.
Ese mesmo día que deu a charla cumpría dous anos en España e un ano fóra do programa de protección.

Grupo da Rede de Escolas de AI - 1ª reunión 2013-14

O pasado martes, 5 de novembro, tivemos a primeira reunión do noso Grupo da Rede de Escolas de Amnistía Internacional.
Como primeira acción do ano decidimos sumarnos á proposta por Amnistía, titulada Bla, Bla, Bla - isto é o que oen os que non escoitan. Picando nas imaxes pódense ver o vídeo da campaña e a páxina web de Amnistía con toda a información.

Trátase de facer gravacións de voz con mensaxes ou testemuñas sobre temas relacionados con tres dereitos humanos aos que o goberno está facendo oídos xordos. As gravacións enviaránse a Amnistíta Internacional que as remitirá á súa vez ao goberno.
Os dereitos aos que se refire a campaña son os seguintes:

Dereito á saúde, con especial atención á poboación inmigrante, que está en situación de extremo risco.
Dereito á vivenda, sobre todo nos casos de desafiuzamentos.
Liberdade de expresión e dereito de manifestación, con referencia especial á violencia policial con que están sendo reprimidas as manifestacións.

Na reunión falamos tamén do concurso de audiovisuais sobre nenas/os soldado, que gañou o ano pasado un grupo de alumnas/os do IES A Basella, de Vilanova de Arousa. Parabéns! Este é o video gañador: 

EXHIBITION – WOMEN AND HUMAN RIGHTS

Amnesty International in the 4th Grade Bilingual Class


The 6th of March is the International Women's Day. We are celebrating it at school along the whole week. For instance, on Monday 4th Susana Muíños, who is an activist of Amnesty International, came to visit and talk with the people from 2nd ESO about Women and Human Rights. Now, AI has sent us this exhibition on the same subject. You can see here Cristian, Abraham and Miguel setting up the posters.

And these are Yasmina, Sandra, and Ana, from the Ethics bilingual class. Say hello to them!!!

Encontro con Susana Muíños, activista de Amnistía Internacional

Muller e Dereitos Humanos - Amnistía Internacional

O luns 4 de marzo, dentro dos actos do 9 de marzo, Día Internacional da Muller, recibimos a visita de Susana Muíños, coa que tivemos unha charla os grupos de 2º ESO.
Susana é activista de Amnistía Internacional, unha Organización Non Gubernamental que defende os dereitos humanos en todo o mundo. Con ela aprendimos que moitas persoas viven ameazadas de perder a súa vida, a súa liberdade e a súa saúde, pero as mulleres de toda a Terra están dobremente ameazadas porque ademais do seu propio sufrimento ocúpanse do coidado dos demais e son branco dos abusos dos homes nas guerras e na violencia doméstica.

Que che suxire esta imaxe?
A exposición de Susana está baseada na imaxe. A través de moitas diapositivas analizamos o xeito en que a sociedade nos fai ver ás mulleres, cambia a percepción que elas teñen de si mesmas e transmite valores sobre como é ou como debe ser unha muller.
Moitos destes valores e destas percepcións van en contra dos dereitos das mulleres xa que pretenden facerlles asumir traballos e renunciar a beneficios en favor dos varóns e, en xeral, de quen se enriquecen á súa costa.

Que é Amnistía Internacional?
Susana cóntanos a historia de Amnistía Internacional. Naceu en Inglaterra para defender a uns estudantes portugueses que foran presos por brindaren pola liberdade.
Desde estón, Amnistía Internacional foi crecendo, participando en moitas campañas e incluso recibiu o Premio Nobel da Paz en 1978.
Moitas destas historias veñen contadas no cómic 50 anos de Amnistía Internacional, que levamos de recordo da visita de Susana.

Vídeos de Amnistía Internacional
Finalizamos cun resumo desta historia en vídeo.
Unha característica do estilo de AI é o esforzo por divulgar os conceptos fundamentais sobre os dereitos humanos dun xeito asequible a todo o mundo, polo que leva publicado moitos video-clips, breves e sinxelos, pero moi claros e explicativos. Proxectamos dous máis, nos que se ve a importancia de asinar unha campaña ou de traballar organizadamente para que a túa voz poida ter moito poder. Podes velos picando nas imaxes:

Menores soldado - Acción twitter 2: Twitteando

Propósito de Ano Novo: Facer realidade o Tratado

Este ano podemos facer realidade o Tratado Internacional de Comercio de Arma (TCA) polo que Amnistía Internacional leva loitando desde 1993! Por iso, o noso Grupo da Rede de Escolas invitou a todas as persoas maiores de idade do Floriani a participar na Acción Twitter coa que AI trata de sensibilizar á opinión mundial. Queremos subir nos medidores de Twitter os hashtags:

#TratadoArmas - #ArmsTreaty

Esta acción vai parella co tema da Rede destes meses: deter o recrutamento de menores soldado.

Coñecer e actuar
A actividade tiña dúas partes: a visualización dunha documentación e o envío de tweets.
Para a primeira, comezamos vendo unha presentación en Prezi sobre o recrutamento de menores soldado, un vídeo no que un antigo neno soldado conta a súa historia e un resumo do que se pide que o tratado conteña.
Para a segunda parte pedimos autorización en dirección para utilizarmos os teléfonos móbiles e, acompañadas/os tamén por xente que non é do grupo, comezamos a mandar tweets a patir das 11:45, hora na que todos os centros da Rede de Galiza nos puxéramos de acordo en concentrar os envíos, buscando unha incidencia maior nos medidores.

Unha mensaxe simpática: a lista de propósitos de ano novo, que inclúe FACER REALIDADE O TRATADO!!! 

As/os profes tamén twittean: A Ramón houbo que ensinarlle a escribir o hashtag, pero Bea e Lorenzo están en Twitter como peixe na auga.

O tratado
Na web de Amnistía Internacional hai unha documentación completa sobre o TCA. Resumímola nos seguintes conceptos:

O TCA debe ser vinculante para todos os estados do mundo. Debe haber investigacións e información pública do destino de todas as armas, municións, explosivos, etc. que se vendan no mundo. As armas nunca deben ser utilizadas contra a poboación civil nin para violacións dos Dereitos Humanos. REGRA DE OURO: Que non se entreguen armas cando se aprecie perigo de que se poidan violar os termos do TCA.

Algunhas ligazóns

As páxinas da Rede de Escolas sobre Menores Soldado e a twitteracción para pedir a Obama que se comprometa con el.

A páxina de Twitter #tratadoarmas

O Prezi sobre Menores soldado

Un antigo neno soldado conta a súa experiencia

Menores soldado: Acción Twitter 1: Anuncio

Tuitea a túa opinión, o 28 de Febreiro na aula 24.

O recrutamento de nenas e nenos soldado é un grave problema engadido ás guerras, os maltratos e todas as violacións dos dereitos humanos.

O grupo do IES Pedro Floriani vai participar nunha Acción Twitter coordinada co resto dos centros da Rede de Escolasde Amnistía Internacional, tratando de subir nas listaxes de tópicos os seguintes hashtags:

#TratadoArmas - #ArmsTreaty

Para conseguir unha incidencia maior, todos os centros concentrarán o envío de mensaxes entre as 11:45 e as 12:15 do día 28 de febrero, así que invitámoste a que veñas á aula 24 e colabores.

Tamén poderás ver información sobre menores soldado:

PREZI: Menores soldado e Dereitos Humanos

VIDEO CLIP: Historia dun neno soldado

MAPA: Menores soldado no mundo

PÁXINA WEB da Rede de Escolas de Amnistía Internacional